Aratuste Eguena Bilbon Aratuste Astearen lehenengo eguna dugu. Farolin eta Zaranbolasen maskara trukeaz gain, Azulitoaren bisita, iazko Txirenada onenari sariaren ematea, batukada eta elektrotxarangak lagunduta, Zazpikaleetan barna, maskara berrien kalejira izango dira, besteak beste, Bilbon 2024ko Aratuste asteko ostegunean.
Aratuste Eguenari hasiera emateko,12:00etan BIRAn, maskara trukea egingo dute, iazko eta aurtengo Farolin eta Zaranbolasek, hau da, Josu Camarak eta Oihana Bartrak, iazkoen eskutik Aratusteetako maskarak jasoko dituzte, hurrenez hurren, Lutxo Egiaren eta Jasone Akizuren eskutik.
18:30ean, Arriagaren plazatik, maskara zaharren kalejira aterako da, batukadarekin. Ordubete beranduago, 19:30ean, Plaza Barrian, ongi etorria emango zaie aurtengoei eta, osteguneko programazioa ixteko, 20:00etan, maskara berrien kalejira izango da elektrotxarangarekin, Unamuno plazatik abiatuta.
2025eko Aratuste Egueneko programazioa, laburbilduta:
- 12:00, BIRAn, Farolin eta Zaranbolasen maskara trukea
- 18:30, Arriaga Plazatik, maskara zaharren kalejira, DANBAYAN batukadarekin
- 19:30, Plaza Barrian, Farolin eta Zaranbolasi ongi etorria
- 20:00, Unamuno plazatik, kalejira elektrotxarangarekin
