Aste Nagusiaren programazio anitzaren barruan Sukaldaritza Lehiaketa gure plater nagusietariko bat da. Honek Aste Nagusia jaio eta hazi den oinarrizko filosofiaren argazkia baita: herritar parte-hartzea maila gorenean. Lehiaketa honek garai ezberdinak bizi izan ditu, baina lehiaketa egonkortzea eta parte-hartze kuota ikaragarriak lortu izan ditugu, eta guzti hau lehiaketa honen oinarrizko filosofia errespetatuz: parte-hartze herritarra oinarri bezala hartuta kalean sukaldatzea, kultura eta gastronomia batuz. Honetarako egun dugun eremu egokia eta ekimenaren doakotasuna eta parte hartzaileen ez profesionaltasuna ezinbestekoak dira guretzako.
ARAUAK
- Lehiaketa herrikoia da. Gozamena du helburu.
- Izena Areatzan emango da lehiaketa egunean, goizeko 10:30 eta 11:30 bitartean.
- Aurkezpena 13:15 eta 14:00ak bitartean izan beharko da. Kazola beranduago aurkezteak zigorra dakar.
- Kazola edo platera jasotzeko, ezinbestean aurkeztu beharko da izen-emate zenbakia.
- Gasaz kozinatzea gomendatzen da. Suaren azpian, elementu erregaitzen bat kokatu beharko da.
- Jaigunean, ikuslegoaren aurrean, kozinatu beharko da dena. 09:00ak ondoren okupatu ahalko da kozinatzeko lekua.
- Aldez aurretik zerbait kuzinatua erabiltzeak bat-bateko deskalifikazioa dakar.
- Lehiaketan aurkeztutako platerek gutxienez 3 anoa edo zati izan beharko dute, patata-tortillak izan ezik.
- Tortillaren beharrezko osagaiak hauek izango dira: patatak, gatza eta olioa. Aukeran: arrautza, tipula edo/eta irina begetalak. Dekorazioa librea izango da.
- Plater guztiek sailkapen orokorrerako balio dute (igandean aurkeztutako “Arroz txapelketa” platera izan ezik). Horretarako, izen berarekin inskribatu beharko dira beti.
- Kuadrila bakoitzak egunean sari bakar bat irabazi ahalko du.
- ‘Konpartsak’ sailean Bilboko Konpartsetako kideak lehiatuko dira, ez besterik. ‘Irekia’n lehiatzeko, kazola 2 aurkeztu beharko dute.
- Parte-hartzaileek derrigorrez jantzi behar dute antolatzaileek emandako mantala saria jasotzeko orduan.
- Pistoa % 100 begetala izango da. Beraz, ezingo da arrautzarik edo animalia jatorrizko osagairik erabili.
- Sukalkia eta buztana kazolan edo presio-eltzean egin ahal dira.
- Sukalkia behi-haragiarekin egingo da, eta masailak kanpo geratuko dira.
- Epaileen erabakia apelaezina izango da.
- Elikagaiak egoera onean eta ondo kontserbatuta egon behar dira, osasungarritasun- eta higiene-baldintza minimoak errespetatuz. Baldintza horiek betetzen ez dituzten kazolak eta platerak baztertzeko eskubidea izango du epaimahaiak.
- Lehiaketa Gastronomikoan parte hartzeak honako arau hauek onartzea dakar, bai eta antolakundeak ezohiko premiengatik jar dezakeen beste araurik ere.
PLATERAK
